Parish Priest
Edmundo B.Resus
Mga igsoon, lain na usab nga higayon nga kita makapadayag sa atong pagpasalamat sa dakung gugma sa Dios tungod sa daghan kaayong mga grasya nga atong nadawat. Kita nasayod nga pinaagi ni Senior San Roque atong patron naambitan nato ang daghan kaayong kaayuhan.
Akong panghinaut nga kining atong kasaulogan magtabang kanato sa pagtan-aw sa mga butang nga atong buhaton ilabina sa pagpatuman sa mga balaud sa Dios tungod kay kita iyang mga hinigugmang anak.
Niining tuiga atong paningkamutan sa pagsunod kining tema pastoral, “Uban ni Maria, magsaksi kita sa gugma sa Dios: Paglig-on sa BEC, pagpakabana sa kausaban sa katilingban ug pag-atiman sa kinaiyahan”. Ato kining paningkamutan nga mapuy-an ang maong tema aron sa tinud-anay mahimo kitang tigpadayag sa gugma sa Dios taliwala sa kagubot ug sa kalisud sa panahon nato karon.
Sa kanunay, uban sa mahal nga Birhen Maria ug sa atong mahal nga patron, akong panghinaut nga kining atong kasaulogan mahimong makahuluganon ug mabungahon.
(SGD) REV. FR. Edmundo B. Resus
San Roque Parish Priest
(C) 2008 - All rights reserved